பிரதமர் நரேந்திர மோடி இன்று 72வது பிறந்தநாளை கொண்டாடுகிறார். பிறந்தநாளை கொண்டாடும் விதமாக பல்வேறு நிகழ்ச்சிகள் திட்டமிடப்பட்டுள்ளன. பிரதமர் நரேந்திர மோடி நான்கு நிகழ்ச்சிகளில் முக்கிய உரையாற்றுகிறார். மேலும் இந்தியாவுக்கு கொண்டு வரப்பட்ட சிறுத்தைகளை பிரதமர் மோடி தனது பிறந்தநாளன்று பூங்காவில் விடுகிறார்.

அதே நேரத்தில், பிரதமர் மோடியின் பிறந்தநாளை வரலாற்று சிறப்புமிக்கதாக மாற்ற பாஜகவும் திட்டமிட்டுள்ளது. இன்று ஒரே நாளில் அதிகபட்ச கொரோனா தடுப்பூசி செலுத்தி சாதனையை உருவாக்குவதை கட்சி நோக்கமாகக் கொண்டுள்ளது. பிரதமர் நரேந்திர மோடியின் வாழ்க்கை மற்றும் தலைமைத்துவம் குறித்த கண்காட்சியை பாரதிய ஜனதா கட்சியின் தேசிய தலைவர் ஜே.பி.நட்டா புதுடெல்லியில் உள்ள கட்சி தலைமையகத்தில் தொடங்கி வைக்கிறார். மற்ற மாநிலங்களிலும் இதுபோன்ற கண்காட்சிகள் நடத்தப்படும்.

மேலும், பிரதமர் நரேந்திர மோடியின் பிறந்தநாளுக்கு ஏராளமானோர் நமோ செயலி மூலம் வாழ்த்துகளை தெரிவித்து வருகின்றனர். நரேந்திர மோடி செயலி, நமோ செயலி என்று பிரபலமாக அறியப்படுகிறது, இதன் மூலம் மக்கள் எதேனும் ஒரு முன்முயற்சிக்காக ரூ.5 முதல் ரூ.100 வரை சிறிய அளவில் நன்கொடைகளை அளிக்கலாம். நாளை தொடங்கி அக்டோபர் 2ம் தேதி வரை பா.ஜனதா கட்சி சார்பில் பிறந்தநாள் கொண்டாட்டங்கள் நடத்தப்படும் என்று பாஜக தெரிவித்துள்ளது.

பிரதமரின் பிறந்தநாளை ஏழைகளின் நலனுக்காக கட்சி ‘சேவா பக்கவாடா’ வடிவில் அர்ப்பணிக்கும். கொண்டாட்டம் மூன்று பிரிவுகளாக இருக்கும். முதலாவதாக, சேவா, இதில் சுகாதார முகாம்கள், இரத்த தான முகாம்கள், தடுப்பூசி மையங்கள் போன்றவை இருக்கும். பிரதமரின் தொலைநோக்கு பார்வையான, 2025க்குள் காசநோய் இல்லாத இந்தியா திட்டமும் பாஜகவின் பிறந்தநாள் கொண்டாட்ட நிகழ்வுகளில் சேர்க்கப்படும்.

அதன்படி பாஜக தரப்பு கூறுகையில், “எங்கள் தலைவர்கள் மற்றும் தொழிலாளர்கள் ஒரு வருடத்திற்கு ஒரு நோயாளியை தத்தெடுத்து, அவர்களின் உடல்நிலை மற்றும் தேவை குறித்து வழக்கமான சோதனையை மேற்கொள்வார்கள். இந்த நிகழ்வில் மரக்கன்றுகள் நடுவதுடன் தூய்மை இயக்கத்தையும் கட்சி மேற்கொள்ளும். பீப்பல்(அரச) மரம் ஆக்ஸிஜனின் சிறந்த ஆதாரமாக இருப்பதால், எங்கள் சாவடிகளில் 10 லட்சம் அரச மரங்களை நடுவோம்” என்று தெரிவிக்கப்பட்டுள்ளது.