ரஷியாவை பின்னுக்கு தள்ளி உலகின் மிகப்பெரிய ஆயுதங்கள் இறக்குமதியில் இந்தியா 2ம் இடத்தை பிடித்தது…!!!
சுவீடன் நாட்டின் தலைநகரான ஸ்டாக்ஹோமில் உள்ள சிப்ரி என்ற நிறுவனம்(ஸ்டாக்ஹோம் சர்வதேச அமைதி ஆராய்ச்சி நிறுவனம்) நடத்திய ஆய்வின்படி, 2015 – 2019 வரையிலான ஆண்டுகளில் சவுதியை தொடர்ந்து இந்தியா 2வது மிகப்பெரிய ஆயுதங்கள் இறக்குமதியாளராக உள்ளது. இந்தியாவின் அண்டைநாடான பாகிஸ்தான் 11வது இடத்தில் உள்ளது.
சிப்ரியின் ஆயுத இறக்குமதியாளர்கள் பட்டியலில் 5 ஆண்டுகளாக இந்தியா 2வது இடத்தில் உள்ளது. ஏனெனில் சமீப காலங்களில் போர்ஜெட், ஹெலிகாப்டர்கள், நீர்மூழ்கிக் கப்பல்கள், போர்க்கப்பல்கள் மற்றும் பீரங்கித் துப்பாக்கிகள் ஆகியவற்றைப் பெற்று தனது ஆயுதப் படைகளை நவீனப்படுத்த முன்வந்ததாக கூறப்படுகிறது.
இந்திய ஆயுதங்களின் பங்கு 72 சதவீதம் முதல் 56 சதவீதமாக குறைந்தாலும் மிகப்பெரிய ஆயுதங்கள் சப்ளையராக ரஷ்யா இருந்து வருகிறது. இது தொடர்பாக இன்று சிப்ரி(ஸ்டாக்ஹோம் சர்வதேச அமைதி ஆராய்ச்சி நிறுவனம்) ‘சர்வதேச ஆயுத இடமாற்றங்கள் 2019’ என்ற அறிக்கையில் கூறுகையில், கடந்த 5 ஆண்டுகளில் பெரிய ஆயுதங்கள் இறக்குமதியில் சவுதி அரேபியா, இந்தியா, எகிப்து, ஆஸ்திரேலியா மற்றும் சீனா ஆகிய நாடுகள் முன்னிலையில் உள்ளன.
இது அனைத்து ஆயுத இறக்குமதியில் 36 சதவீதமாக உள்ளது.தொடர்ந்து 2010-14 காலப்பகுதிகளில் சவுதி அரேபியா, இந்தியா மற்றும் சீனா ஆகிய நாடுகளும் முதல் ஐந்து இறக்குமதியாளர்கள் பட்டியலில் இருந்தன. 2015-19 ஆம் ஆண்டில் உலகின் 11வது பெரிய ஆயுத இறக்குமதியாளராக பாகிஸ்தான் இடம் பெற்றது. மேலும் உள்நாட்டு ஆயுத உற்பத்தியின் அதிகரிப்பு காரணமாக இந்தியா கடந்த ஆண்டு இரண்டாவது இடத்திற்கு சரிந்தது. அதே போக்கு தொடர்கிறது. 2010-14 ஆம் ஆண்டில் 5.6 சதவீதமாக இருந்த சவுதி, 2015-19 ஆண்டுகளில் 12 சதவீத ஆயுதங்களை இறக்குமதி செய்துள்ளது. இது 130% உயர்ந்துள்ளதாக கூறப்படுகிறது.
அதே காலகட்டத்தில், பாகிஸ்தானின் இறக்குமதி 39% குறைந்துள்ளது. இதற்கிடையில், டில்லி தனது ஆயுதங்களில் 9.2 சதவீதம் இறக்குமதி செய்தது. 2010-14 க்கு இடையில் 14 சதவீதமாக ஆக இருந்தது. ஆயுத இறக்குமதியில் இது 32 சதவீதம் குறைவு என தெரிவிக்கப்பட்டுள்ளது. 2015-19 ஆண்டுகளில் இந்தியா, ரஷ்ய ஆயுதங்களின் இறக்குமதியில் 25 சதவீத பங்கைக் கொண்டிருந்தாலும், இந்தியாவுக்கான ரஷ்ய ஆயுத ஏற்றுமதி 2010-14 மற்றும் 2015-19 க்கு இடையில் 47 சதவீதம் சரிந்தது.
அமெரிக்கா 2010-14ல் இந்தியாவுக்கு இரண்டாவது பெரிய ஆயுத சப்ளையர் ஆனது. இருப்பினும், 2015-19 ஆம் ஆண்டில் இந்தியா அதன் சப்ளையர் பல்வகைப்படுத்தல் கொள்கையுடன் தொடர்ந்தது, அமெரிக்காவிலிருந்து ஆயுத இறக்குமதி 2010-14 ஐ விட 51% குறைவாக இருந்தது., உலகின் 25 மிகப்பெரிய ஆயுத ஏற்றுமதியாளர்களில் இந்தியாவை 23வது இடத்தில் பட்டியலிட்டுள்ளது. மேலும் அதன் முக்கிய வாடிக்கையாளர்களாக மியான்மர், இலங்கை மற்றும் மொரீஷியஸ் ஆகியவை உள்ளன. ரஷ்ய ஆயுத ஒப்பந்தங்களில் இந்த சரிவு அதிகமாகக் காணப்பட்டாலும், 5 ஆண்டுகளில் ரஷ்யா மற்றும் அமெரிக்காவிலிருந்து இந்தியாவின் ஆயுத இறக்குமதி குறைந்தது என்று அறிக்கை கூறியுள்ளது. மொத்த ரஷ்ய ஆயுத ஏற்றுமதியில் இந்தியா 25 சதவீதமாக உள்ளது.
இதற்கு மாற்றாக இஸ்ரேல் மற்றும் பிரான்சில் இருந்து ஆயுத இறக்குமதி முறையே 175% மற்றும் 715% அதிகரித்து, 2015-19 ஆம் ஆண்டில் இரண்டாவது மற்றும் மூன்றாவது பெரிய நிறுவனங்களாக மாறியது. 2015-19 ஆண்டில் முக்கிய ஆயுதங்களை இறக்குமதியாளர்களாக அடையாளம் கண்ட முதல் ஐந்து நாடுகளாக சவுதி அரேபியா, இந்தியா, எகிப்து, ஆஸ்திரேலியா மற்றும் சீனா உள்ளது. 2015-19 ஆண்டுகளில் மொத்த ஆயுத இறக்குமதியில் 36 சதவீதமாகும்.
Leave your comments here...