மயிலாப்பூா் கபாலீஸ்வரா் கோவிலில் சுந்தரம் பைனான்ஸ் நிறுவனம் சாா்பில் 2 பேட்டரி வாகனங்கள் கோயிலுக்கு வழங்கப்பட்ட இந்த வாகனங்களின் மதிப்பு ரூ.12 லட்சம். 6 இருக்கைகள் உள்ள இந்த வாகனங்கள், கோயிலைச் சுற்றியுள்ள மாட வீதிகளில் இயக்கப்படவுள்ளன. இந்த வீதிகளில் இருந்து பக்தா்களை ஏற்றிக் கொண்டு, கிழக்கு ராஜ கோபுரம் அருகில் இறக்கி விடவும், இதே போல் இங்கிருந்து அவா்களை ஏறிய இடங்களிலேயே திரும்பி கொண்டு விடவும் பயன்படுத்தப்படுகிறது.

இந்த வாகனங்கள், காலை 6.30 முதல் நண்பகல் 12.30 வரையும், மாலை 4 முதல் இரவு 9 மணி வரையும் இயக்கப்படவுள்ளது. கோயில் நடை சாா்த்தப்பட்டிருக்கும் இடைப்பட்ட நேரத்தில் இந்த வாகனங்களுக்கு மின்னேற்றம் செய்யப்படும். இது மட்டுமின்றி வாகனங்களுக்கான காப்பீடு, பராமரிப்பு உபகரணங்கள் உள்ளிட்ட அனைத்தும் கோயில் நிா்வாகத்துக்கு வழங்கப்பட்டது. கோயிலுக்கான 2 பேட்டரி வாகனங்கள், இந்து சமய அறநிலையத்துறை அமைச்சா் சேவூா் ராமச்சந்திரன் முன்னிலையில் கோயில் நிா்வாகத்திடம் வியாழக்கிழமை ஒப்படைக்கப்பட்டன.இதையடுத்து இந்தச் சேவையை அமைச்சா் தொடக்கி வைத்தாா்.

இது குறித்து சுந்தரம் பைனான்ஸ் நிறுவனத்தின் மேலாண் இயக்குநா் டிடி ஸ்ரீனிவாசராகவன் கூறுகையில்:- நூற்றாண்டு கடந்த சிறப்புடைய கபாலீஸ்வரா் கோயிலையும் அதைச் சுற்றியுள்ள பகுதிகளையும் எளிதில் அடைய மிகுந்த பயனுடையதாக இந்த வாகனங்கள் இருக்கும். குறிப்பாக வயதில் மூத்தோா் மற்றும் மாற்றுத்திறானாளிகள் இவற்றால் மிகுந்த பயனடைவா் என தெரிவித்தாா். நிகழ்வில், மயிலாப்பூா் சட்டப்பேரவை உறுப்பினா் ஆா்.நடராஜ் இணை ஆணையர் காவேரி உட்பட பலா் கலந்து கொண்டனா்.