பிரகதி மைதானம் சுரங்கப்பாதை திறப்பு விழா- சாலையோரம் கிடந்த குப்பையை அகற்றிய பிரதமர் மோடி.!
டெல்லியில் பிரகதி மைதான ஒருங்கிணைந்த போக்குவரத்து வழித்தட திட்டத்தில், பிரதான சுரங்கம் மற்றும் ஐந்து சுரங்கப்பாதைகளை பிரதமர் மோடி திறந்து வைத்தார். தலைநகர் டெல்லியில் உள்ள ஐடிஓ, மதுரா சாலை மற்றும் பைரன் மார்க் ஆகிய இடங்களில் போக்குவரத்து நெரிசலை குறைக்கும் வகையில் பிரகதி மைதான் ஒருங்கிணைந்த போக்குவரத்து வழித்தட திட்டம் கொண்டு வரப்பட்டது. இதன்படி 920 கோடி ரூபாய் மதிப்பில் டெல்லியில் சுரங்கப்பாதைகள் அமைக்கப்பட்டுள்ளன.
இந்த சுரங்கப்பாதையில் தீ தடுப்பு மேலாண்மை, நவீன காற்றோட்டம், தானியங்கி வடிகால் மற்றும் சிசிடிவி கேமராக்கள் உள்ளிட்டவை அமைக்கப்பட்டது. இந்த சுரங்கப்பாதைகளின் கட்டுமான பணி நிறைவடைந்ததை அடுத்து, பிரதான சுரங்கப்பாதை உட்பட 6 சுரங்கப்பாதைகளை பிரதமர் மோடி இன்று திறந்து வைத்தார்.
இதன் மூலம் பிரகதி மைதானத்தில் நடைபெறும் நிகழ்ச்சிகளில் கண்காட்சியாளர்கள் மற்றும் பார்வையாளர்கள் போக்குவரத்து நெரிசலில் சிக்கி தவிக்காமல் எளிதில் பங்கேற்க முடியும் என்று தெரிவிக்கப்பட்டுள்ளது.
மேலும் பிரதமர் நரேந்திர மோடி ஐடிபிஓ சுரங்கப்பாதைக்குள் வெறும் கைகளால் குப்பைகளை எடுக்கும் வீடியோ சமூக ஊடகங்களில் வைரலாகி வருகிறது. வீடியோவில், பிரதமர் மோடி, ‘ஸ்வச் பாரத்’ மீதான தனது உறுதிப்பாட்டை வெளிப்படுத்தும் போது, புதிதாக திறக்கப்பட்ட சுரங்கப்பாதையின் உள்ளே நடைபாதையில் இருந்து ரேப்பர்கள் மற்றும் பிளாஸ்டிக் தண்ணீர் பாட்டிலை குனிந்து எடுப்பதைக் காணலாம்.
டெல்லி: பிரகதி மைதானம் சுரங்கப்பாதை திறப்பு விழாவில் சாலையோரம் கிடந்த குப்பையை அகற்றிய பிரதமர் மோடி.! #SwachhBharat #NarendraModi pic.twitter.com/gTP3NKcdRI
— JANANESAN News (@JananesaN_NewS) June 19, 2022
புதிதாக திறக்கப்பட்ட சுரங்கப்பாதையை பிரதமர் மோடி ஆய்வு செய்தபோது, தூக்கி எறியப்பட்ட காலி பிளாஸ்டிக் தண்ணீர் பாட்டிலையும், வேறு சில பொருட்களையும் எடுத்தார். சுரங்கப்பாதையின் உள்சுவரில் செய்யப்பட்ட ஓவியங்களைப் பார்த்துக் கொண்டிருந்தான்.
Leave your comments here...