சென்னை விமான நிலையத்தில் ரூ. 27.8 லட்சம் தங்கம் பறிமுதல் – ஒருவர் கைது.!

சென்னை விமான நிலையத்தில் ரூ. 27.8 லட்சம் தங்கம் பறிமுதல் – ஒருவர் கைது.!

சென்னை மீனம்பாக்கம் பன்னாட்டு விமான நிலையத்தில் ரூ. 27.8 லட்சம் மதிப்பில் 583 கிராம் தங்கத்தை சுங்கத்துறை அதிகாரிகள் பறிமுதல் செய்தனர்

உளவுத் துறையினரிடம் இருந்து கிடைத்தத் தகவலின் அடிப்படையில் எமிரேட்ஸ் ஈகே-542 விமானத்தின் மூலம் துபாயில் இருந்து சென்னை வந்த 45 வயது ஆண் பயணி ஒருவரை சுங்கத்துறை அதிகாரிகள் தடுத்து நிறுத்தினர்.

அவரை சோதனை செய்த போது, அவரது உடலில் தங்கப்பசை அடங்கிய 4 பொட்டலங்கள் மறைத்து வைக்கப்பட்டிருந்தது கண்டுபிடிக்கப்பட்டது. சுங்கச் சட்டம் 1962-இன் கீழ் ரூ. 27.8 லட்சம் மதிப்பில் 583 கிராம் தங்கம் பறிமுதல் செய்யப்பட்டதோடு, அந்தப் பயணியும் கைது செய்யப்பட்டார்.