வீரத்துறவி இராம ராமகோபாலனுக்கு முதலவர் பழனிச்சாமி, திமுக. தலைவர் ஸ்டாலின், பாஜக தலைவர் முருகன், உள்ளிட்ட தலைவர்கள் இரங்கல்.!

வீரத்துறவி இராம ராமகோபாலனுக்கு முதலவர் பழனிச்சாமி, திமுக. தலைவர் ஸ்டாலின், பாஜக தலைவர் முருகன், உள்ளிட்ட தலைவர்கள் இரங்கல்.!

இந்து முன்னணி நிறுவனர் ராமகோபாலன்,94 உடல் நல குறைவு காரணமாக இன்று முக்தியடைந்தார். அவருக்கு பல்வேறு கட்சி தலைவர்கள் புகழாரம் சூட்டி உள்ளனர்.

இந்து முன்னணி அமைப்பின் நிறுவனரும் தலைவருமான ராமகோபாலனுக்கு, கடந்த 27ஆம் தேதி மூச்சுத் திணறல் ஏற்பட்டது. இதையடுத்து அவர் சென்னை போரூரில் உள்ள தனியார் மருத்துவமனையில் சேர்க்கப்பட்டார். இதையடுத்து மருத்துவமனையில் சிகிச்சை பெற்று வந்த நிலையில் புதன்கிழமை ராமகோபாலன் உயிரிழந்துள்ளார்.

மூத்த ஆர்எஸ்எஸ் பிரச்சாரகரும் இந்து முன்னணி அமைப்பின் நிறுவன தலைவருமான வீரத்துறவி திரு.ராமகோபாலன் அவர்கள் இன்று மாலை மருத்துவமனையில் காலமானார் என்ற செய்தி அதிர்ச்சியையும் மிகுந்த சோகத்தையும் வருத்தத்தையும் அளிக்கிறது … pic.twitter.com/wJ5L03T7Xk

— Dr.L.Murugan (@Murugan_TNBJP) September 30, 2020

அவருக்கு பாஜக மற்றும் தி.மு.க., உள்ளிட்ட கட்சிகள் இரங்கல் தெரிவித்துள்ளன. பாஜக தமிழக தலைவர் முருகன் வெளியிட்டுள்ள செய்தி குறிப்பில் தமிழக பாஜக சார்பில் மூன்று நாள் துக்கம் அனுசரிக்கப்படும் என தெரிவித்து உள்ளார்.

இந்து முன்னணி அமைப்பின் நிறுவனர் திரு.இராம.கோபாலன் அவர்கள் மறைவெய்திய செய்தி மிகுந்த அதிர்ச்சியும், வேதனையும் அளிக்கிறது.

திரு.இராம.கோபாலன் அவர்களது பிரிவால்வாடும் அவரது இயக்கத் தொண்டர்களுக்கு எனது ஆழ்ந்த இரங்கலைத் தெரிவித்து, அன்னாரது ஆன்மா சாந்தியடைய இறைவனை பிரார்த்திக்கிறேன். pic.twitter.com/2WnIwz16J7

— Edappadi K Palaniswami (@CMOTamilNadu) September 30, 2020

முதலவர் பழனிச்சாமி வெளியிட்டுள்ள அறிக்கையில் சுதந்திர போராட்டங்களில் ஈடுபட்டதோடு இந்து முன்னணி இயக்கத்திற்கு வழிகாட்டியாகவும் ராமகோபாலன் திகழ்ந்தார் என தெரிவித்துள்ளார்.அவர்களது பிரிவால்வாடும் அவரது இயக்கத் தொண்டர்களுக்கு எனது ஆழ்ந்த இரங்கலைத் தெரிவித்து, அன்னாரது ஆன்மா சாந்தியடைய இறைவனை பிரார்த்திக்கிறேன்.

இந்து முன்னணியின் நிறுவனத் தலைவர் திரு. ராம கோபாலன் மறைவெய்திய செய்தியால் மிகுந்த வருத்தமுற்றேன்.

சித்தாந்த வேறுபாடுகள் இருந்தாலும் முத்தமிழறிஞர் கலைஞரின் நல்ல நண்பர்!

பெரியவரை இழந்து வாடும் இந்து முன்னணியினருக்கு எனது ஆழ்ந்த அனுதாபத்தையும், ஆறுதலையும் தெரிவித்துக் கொள்கிறேன். pic.twitter.com/eIa8oFMjaL

— M.K.Stalin (@mkstalin) September 30, 2020

தி.மு.க. தலைவர் ஸ்டாலின் வெளியிட்டுள்ள செய்தி குறிப்பில் ஆழ்ந்தஆன்மிகவாதியும், சமய கருத்துக்களை சமுதாயத்திற்கு எடுத்துரைத்த துறவியுமான ராமகோபாலன் மறைவு பேரிழப்பாகும் என தெரிவித்துள்ளார்.