லஞ்சம் வாங்கிய ஐஏஎஸ் அதிகாரி.. வீட்டில் நடந்த சோதனையில் ரூ.47 லட்சம் சிக்கியது…!

இது தொடர்பாக விஜிலென்ஸ் துறை வெளியிட்டுள்ள அறிக்கை: குற்றம் சாட்டப்பட்ட திமான் சக்மா, கலஹண்டி மாவட்டத்தில் உள்ள ஒரு தொழிலதிபரிடம் நேற்று ரூ.20 லட்சம் லஞ்சம் கேட்டார். மேலும் முதல் தவணையாக ரூ.10 லட்சம் வேண்டும் என்றும் இல்லையெனில் அவரது தொழிலுக்கு எதிராக நடவடிக்கை எடுப்பதாக மிரட்டினார்.

அதனை தொடர்ந்து, தரம்நகரில் உள்ள தனது அதிகாரப்பூர்வ வீட்டிற்கு அழைத்துள்ளார். இந்நிலையில் தொழிலதிபர் எங்களிடம் புகார் அளித்த நிலையில், புகார்தாரர் ரசாயனம் தடவிய லஞ்ச பணத்துடன் திமான் சக்மா வீட்டிற்கு சென்றார். அவரிடம் லஞ்சப்பணம் அளிக்கும்போது எங்களது அதிகாரிகள் கையும் களவுமாக பிடித்து கைது செய்தனர். அதனை தொடர்ந்து அவரது அதிகாரப்பூர்வ வீட்டில் நடத்திய சோதனையில் கட்டு கட்டாக மேலும் ரூ.47 லட்சம் பணம் சிக்கியது. இவ்வாறு விஜிலென்ஸ் துறை அறிக்கையில் கூறியுள்ளது.