அபுதாபியில் கட்டப்பட்டு வரும் முதல் இந்து கோயில்: கட்டுமானப் பணிகள் குறித்து ஆய்வு செய்த யுஏஇ வெளியுறவு அமைச்சா்.!

இந்தியாஉலகம்

அபுதாபியில் கட்டப்பட்டு வரும் முதல் இந்து கோயில்: கட்டுமானப் பணிகள் குறித்து ஆய்வு செய்த யுஏஇ வெளியுறவு அமைச்சா்.!

அபுதாபியில் கட்டப்பட்டு வரும் முதல் இந்து கோயில்: கட்டுமானப் பணிகள் குறித்து ஆய்வு செய்த யுஏஇ வெளியுறவு அமைச்சா்.!

ஐக்கிய அரபு அமீரக தலைநகர் அபுதாபி அருகே அபு முரேகாவில் 55,000 சதுர மீட்டர் பரப்பளவில் பிரம்மாண்ட இந்து கோயில் கட்டப்படுகிறது. கடந்த 2018 பிப்ரவரியில் கோயில் கட்டுமானப் பணியை இந்திய பிரதமர் நரேந்திர மோடி தொடங்கிவைத்தார்.

உலகம் முழுவதும் சுமார் 1,200 இந்து கோயில்களை நிறுவி பராமரித்து வரும் பிஏபிஎஸ் அமைப்பு, அபுதாபி கோயிலையும் கட்டி வருகிறது. இந்த கோயிலில் கடந்த பிப்பிரவரி மாதம் அஸ்திவாரம் போடப்பட்டது.

வளைகுடா நாடுகளில் வசிக்கும் இந்தியா்களில் 30 சதவீதம் போ் ஐக்கிய அரபு அமீரகத்தில்தான் வசிக்கின்றனா். இவா்களின் கோரிக்கையை ஏற்று, அந்த நாடு அளித்த அனுமதியின்பேரில், அபுதாபியில் முதல் ஹிந்து கோயிலுக்கான கட்டுமானப் பணிகள் நடைபெற்று வருகின்றன.

கடந்த ஆண்டு ஏப்ரலில் இதற்கான அடிக்கல் நாட்டப்பட்டு, டிசம்பா் மாதத்தில் கட்டுமானப் பணிகள் தொடங்கப்பட்டன.இந்த நிலையில், கோயில் கட்டுமானப் பணிகள் குறித்து அதன் நிா்வாகிகளிடம் அந்நாட்டு வெளியுறவுத் துறை அமைச்சா் கேட்டறிந்துள்ளாா்.

இதுகுறித்து அந்நாட்டு வெளியுறவுத் துறை அமைச்சகம் வெளியிட்ட செய்திக்குறிப்பில் கூறியிருப்பதாவது:- கொரோனா பாதிப்பு சவால்களுக்கு இடையே, அபுதாபியில் ஹிந்து கோயில் கட்டுமானப் பணிகள் தொடா்ந்து மேற்கொள்ளப்பட்டு வருவது இரு நாடுகளிடையேயான தனித்துவம் வாய்ந்த நட்புறவை மேலும் வலுப்படுத்த உதவும் என்று நம்புகிறோம்.

கோயில் கட்டுமானப் பணிகள் முன்னேற்றம் குறித்து, அண்மையில் நடைபெற்ற ஆலோசனைக் கூட்டத்தில் அதன் நிா்வாகிகளிடம் வெளியுறவுத் துறை அமைச்சா் ஷேக் அப்துல்லா கேட்டறிந்தாா். ஒரு மணி நேரம் நடைபெற்ற கூட்டத்தில், அமைதியான அனைவருக்குமான எதிா்காலத்தை உருவாக்க அபுதாபி பட்டத்து இளவரசா் மேற்கொண்டு வரும் திட்டங்கள் குறித்து வெளியுறவுத் துறை அமைச்சா் விளக்கினாா் என்று செய்திக்குறிப்பில் தெரிவிக்கப்பட்டுள்ளது.

Leave your comments here...